|
|
|
Usa se non visualizzi |
A la muntagna
Ma chi ni vali tutta 'sta biddizza
si di lu scantu a tutti fai trimari?
Ni metti 'nta li cori l'amarizza
e ccu li rutti toi ni fai scantari.
Li poviri gintuzzi Siciliani
non lu sapemu chi è la nostra fini,
tu si' muntagna di strutturi arcani
quannu t'incazzi n'azzicchi li spini.
Pirchì ni tratti mali, cara mia,
ca anchi lu pueta fa' raggiari?
iddu ti loda ccu la puisia
ca scrivi sempri versi ppi vantari.
E ora aspetta, lassimi pinsari
ca non la dicu cchiù 'sta fissaria
tu ca suvrasti, li munti e lu mari
chi fussi 'sta Sicilia senza ‘i tia?
(proposta da Mario Iurzan)
Questo brano e' tratto dal libro "Sonni e ricordi di la vita mia - Liriche dialettali siciliane" scritto da "Alfio Naso", stampato dalla tipografia Gullotta di Catania. Non e' intenzione dell'autore violare i diritti di copyright. Se l'autore del libro volesse cancellare la pubblicazione e' pregato di inviare una e-mail e l'articolo sarà tolto entro 48 ore
|
|
|
Usa se non visualizzi |
